Ұлттық биотехнология орталығының 30 жылдығына арналған “Астана Биотех 2024” халықаралық ғылыми конференциясы 2024 жылдың 12-13 қыркүйегінде Астана қаласында өтеді.

Конференцияға Қазақстанның, жақын және алыс шетелдердің ғылыми-зерттеу орталықтары мен институттарының, жоғары оқу орындарының белгілі ғалымдары мен мамандары қатысады.

“Астана Биотех 2024” конференциясы беделді форум болып табылады, оның аясында ғылым, бизнес және білім, сондай-ақ мемлекеттік органдардың өкілдері Қазақстандағы, шетелдегі биотехнология саласындағы озық ғылыми жаңашылдықтармен  танысады, сонымен қатар, тікелей байланыс форматында ынтымақтастықты тереңдету мақсатында кешенді шешімдерді әзірлей алады.

Конференция бағдарламасы пленарлық және секциялық отырыстарды, постерлік сессияларды, дөңгелек үстелдерді қарастырады, онда ғалымдар биология, биотехнология және биомедицина саласындағы ғылыми жобаларды ұсынады.

Халықаралық ғылыми конференция аясында “Қазақстанның аймақтық флорасы: әралуандылық, генетика және табиғатты қорғау” атты шағын симпозиум өтеді, оған жетекші биологтар, ботаниктер және генетиктер қатысады.

Конференцияда биотехнология саласындағы жетекші компаниялардың жабдықтары, технологиялары, қызметтері мен мүмкіндіктерінің көрмесі өтеді.

Күтілетін іс-шараның маңызды элементі “Үздік ауызша баяндама” және “Үздік стендтік баяндама” байқауларын өткізу болып табылады.  Конференция материалдарының тезистері арнайы жинақта (электронды нұсқада) жарияланады, сондай-ақ конференция сайтына шығарылады.